Dreamsansar.com

काठमाडौं । माओवादी लडाकुका नाममा २० अर्ब रुपैयाँभन्दा बढी भ्रष्टाचार गरेको अभियोगमा अख्तियार दुरुपयोग अनुसन्धान आयोगले एमाओवादीका नेता पुष्पकमल दाहाल प्रचण्डलगायत केही उच्च पदस्थ व्यक्तिलाई भ्रष्टाचारको मुद्दा लगाउने तयारी गरिरहेको बताइएको छ ।


आयोगले शिविरमा रहेका तत्कालीन माओवादी लडाकुको तलब–भत्ताका लागि राज्यकोषबाट वितरण भएको रकमसम्बन्धी पूर्णविवरण पठाउन शान्ति मन्त्रालयलाई हालै दोस्रो पत्र लेखेको छ । आयोगले शिविरमा उपस्थित नभएका व्यक्तिलाई नक्कली लडाकुका रुपमा देखाएर अरबौं रुपैयाँ भ्रष्टाचार भएको आशंकामा छानबिन गरिरहेको छ ।
माओवादी लडाकुको एकिन विवरण संकलन गर्न गठित कार्यदललाई दिइएको भुक्तानीको विवरण माग गर्दै अख्तियारले केही महिनाअघि पत्र पठाएको थियो ।

मन्त्रालयले जवाफ पठाएपछि ‘अनियमितता’ मा संलग्न व्यक्तिहरुसँग बयान लिने उसको तयारी छ । तत्कालीन सेना समायोजन विशेष समितिले लडाकु तथा शिविरका लागि राज्यकोषबाट भएको खर्च दुरुपयोग भएको निष्कर्षसहित यसमा छानबिन गर्न नीतिगत निर्णय गरेको थियो । एमाले निकट युवा संघले पनि लडाकु तथा शिविरका नाममा करोडौं रकम भ्रष्टाचार भएको भन्दै अख्तियारमा उजुरी गरेको थियो ।

०६३ मंसिर ५ मा शान्ति–सम्झौत भएपछि सुरुमा ३२ हजार २ सय ५० लडाकु शिविरमा उपस्थित भएको बताइएको थियो । राष्ट्रसंघीय मिसन अनमिनको प्रमाणीकरणमा १९ हजार ५ सय लडाकुमात्र योग्य भएका थिए । प्रमाणीकरणका बेला १८ वर्षमुनिका ४ हजार ८ लडाकुलाई शिविरबाट निकालिएको थियो । अनमिनको प्रमाणीकरणअनुसार लडाकुको कुल संख्या १९ हजार ६ सय भनिए पनि समायोजन तथा पुनस्र्थापनाका लागि भएको पुनर्वर्गीकरणमा १७ हजार ७४ लडाकु सामेल भएको पाइएको थियो । त्यसबेला करिब ३ हजार लडाकु गायब भएका थिए । ०६३ मंसिरदेखि ०६५ भदौसम्म प्रतिलडाकु मासिक भत्ता ३ हजार थियो भने ०६५ असोजदेखि बढाएर ५ हजार र ०६८ साउनदेखि साढे ६ हजार बनाइएको थियो । शान्ति–प्रक्रिया सुरु भएको झन्डै ६ वर्षको अवधिमा माओवादी शिविर तथा लडाकु व्यवस्थापनका नाममा २० अर्ब रुपैयाँभन्दा बढी खर्च भएको शान्ति मन्त्रालयको तथ्यांक छ । तर, मन्त्रालयका सचिव धरणीधर खतिवडाले अख्तियारको पत्रबारे आफूलाई केही जानकारी नभएको बताएर पन्छिन खोजेका छन् ।

बनेपा— शैक्षिक भ्रमणमा रहेकी एक छात्राले आज बिहान बच्चा जन्माएर फ्याँकेकी छिन्। शैक्षिक भ्रमणमा रहेकी १९ वर्षीय शाहना रोक्का मगरले ट्वाइलेट छिरेर बच्चालाई जन्म दिइ फ्याँकेकी हुन्। दोलालघाटको पीएनपी भाञ्छा घरमा साथीहरु खान प्रवेश गरेका बेला उनले ट्वाइलेटमा सन्तान जन्माएकी थिइन्।

नवजात शिशुलाई शिशुलाई ट्वाइलेट नजिकै फ्याँकेर भाग्ने प्रयास गर्दा उनलाई प्रहरीले पक्राउ गरेको छ। बच्चा रोएको आवाज निरन्तर सुनिएपछि होटल नजिकै रहेका प्रहरीले थाहा पाएका थिए। प्रहरीले सोधीखोजी गर्न थालेपछि शाहना दोलालघाट पुलतर्फ भागेकी थिइन्। नवजात शिशु छोरो रहेको र स्वास्थ्य सामान्य रहेको प्रहरीले जनाएको छ।

म्यागदीको मुडी गाविस स्थित बुद्धिविकास माविबाट शैक्षिक भ्रमण आएको टोली फर्कने क्रममा सो स्थानमा बिहानको खान खान रोकिएको थियो।

११ असोज, काठमाण्डौं । जेलमा रहेका पूर्वमन्त्री श्यामसुन्दर गुप्ताले योजनबद्ध रुपमा प्रहरीलाई विषादीयुक्त खाना दिएको प्रहरी अनुसन्धानले देखाएको छ । महानगरीय प्रहरी आयुक्त कार्यालयले गरेको प्रारम्भिक अनुसन्धानले घटना योजनाबद्ध हुनसक्ने आँकलन गरेको छ ।
घटनामा गुप्तामाथि शंका गर्ने धेरै आधार देखिएका छन् । प्रहरीस्रोतका अनुसार गुप्ताका छोराले दरबारमार्गस्थित केएफसीबाट ल्याएको मासु प्रहरीलाई मात्र खान दिएका थिए । त्यस्तै खाना र कोल्डडि्रंक्स खाएर केही प्रहरी बेहोस भइसकेपछि गुप्ताका छोरा भाष्करले बिरामी भएको ‘नाटक’ गरेको हुनसक्ने प्रहरी अनुसन्धानमा देखिएको छ ।
‘शंका गर्ने ठाउँ भएपछि भाष्करले आफू पनि बिरामी भएको नाटक गरेजस्तो देखिन्छ,’ अनुसन्धानमा आवद्ध एक प्रहरी अधिकारीले भने नयाँ पत्रिकामा खबर छ ।
प्रारम्भिक अनुसन्धानमा घटना शंकास्पद देखिएपछि अस्पतालमै रहेका गुप्ताका छोरा भाष्करलाई प्रहरीले नियन्त्रणमा राखेको छ । गुप्ता भने बिहीबार डिल्लीबाजरा कारागारमा फर्किएका छन् ।
शोभराजको सिको
सुन्धारास्थित केन्द्रीय कारागारमा रहेको अन्तर्राष्ट्रिय कुख्या अपराधी चाल्र्स गुरुमुख शोभराज प्रहरीलाई विषादी मिसाइएको खाना खुवाएर नै भारतको जेलबाट भाग्न सफल भएका थिए । उनले आफ्नो जन्मदिनको पार्टीमा फलफूलमा विष मिसाएर प्रहरीलाई बेहोस पारी सन् १९८६ मा भाग्न सफल भएका थिए । डेढ वर्षदेखि जेलमा रहेका गुप्ताले पनि त्यस्तै योजना गरेको प्रहरी अनुमान छ । उनले योजनाबद्ध रुपमा नै अस्पताल भर्ना भएको र भाग्ने प्रयास गरेको प्रहरी अधिकारीको आशंका छ ।

राजधानीको व्यस्त मानिने जोरपाटीमा अज्ञात समूहको गोली लागि एक जना घाइते भएका छन् । जोरपाटीस्थित सुवास पार्टीप्यालेसको पछाडि भएको गोली प्रहारबाट भारत मोतीहारीका मोहम्मद मनसुल्ला घाइते भएका छन् ।
कपडा सिलाइको काम गर्ने मनसुल्लाको खुट्टा र पेटमा २–२ गोली लागेको महानगरिय प्रहरी प्रभाग वौद्धले जनाएको छ । उनलाई उपचारका लागि शिक्षण अस्पताल महाराजगञ्ज पठाइएको छ । घटनाको अनुसन्धान भइरहेको छ ।
प्रत्यक्षदर्शीका अनुसार मोटरसाइकलमा आएका दुई जनाले करिब ९ बजे गोली प्रहार गरेका हुन् । गोली चल्नुको कारण थाहा हुन सकेको छैन ।

काठमाडौ, आश्विन ८ - सरकार र अख्तियारले समेत रोक लगाएको बोनसलाई अन्ततः आयल निगमले सुटुक्क बाँडेको छ ।
सञ्चालक समितिको पनि सहमति नहुँदा नहुँदै २५ अर्ब रुपैयाँ सञ्चित नोक्सानीमा रहेको निगमले २०६५ सालमा भएको नाफाबापतको बोनस गत जेठमा वितरण गरेको हो । सञ्चित नोक्सानीमा रहे पनि २०६४/६५ सालमा अन्तर्राष्ट्रिय बजारमा तेल मूल्यमा आएको गिरावटका कारण निगमले ३ अर्ब ३० करोड रुपैयाँ नाफा गरेको थियो ।
बोनस ऐनअनुसार नाफा गरेको वर्ष बोनस दिनुपर्ने प्रावधानअनुसार निगमले यस शीर्षकमा रकम छुट्याएपछि विवाद बढेको थियो । त्यसपछि आपूर्ति सचिव र अख्तियारले सञ्चित नोक्सान पूरा नहुन्जेलसम्म बोनस नबाँड्न निर्देशन दिएको थियो ।
निगमले भने कानुनअनुसार २०६५ सालको बोनस 'मिलान' गरेको जनाएको छ । बोनस रकम खुल्न सकेको छैन । निगमले आर्थिक वर्ष २०६४/०६५ मा २ अर्ब ४७ करोड रुपैयाँ खुद मुनाफा गरेको थियो । बोनस ऐनअनुसार ८ प्रतिशत रकम बोनस छुट्याउनुपर्ने प्रवाधानअनुरूप करिब १९ करोड ७६ लाख रुपैयाँ छुट्याएको थियो ।
तर नियमावलीले 'सरकारी स्वामित्व भएको प्रतिष्ठानको बोनस प्रतिशत र बोनससम्बन्धी अन्य कुरा सरकारले समय समयमा गर्ने निर्णय गरेबमोजिम हुने' व्यवस्था पनि गरेको छ । सरकारले निगमका कर्मचारीको बोनसका सम्बन्धमा कुनै निर्णय गरेको थियो/थिएन भन्ने पनि खुल्न सकेको छैन । निगमका केही कर्मचारीले आफ्नो खातामा ४० देखि ५० हजार रुपैयाँसम्म अतिरिक्त रकम जम्मा भएको बताएका छन् । तर उक्त रकम बोनस हो/होइन भन्ने जानकारी नभएको ती कर्मचारीले बताए ।
निगमका निमित्त कार्यकारी निर्देशक सुरेशकुमार अग्रवालले २०६५ सालको बोनस कानुनअनुसार मिलान गरेको बताए । उनले बोनस रकम यत्ति नै भएको भन्ने 'सम्झना नभएको' प्रतिक्रिया दिए । निगम घाटा भएको अवस्थामा किन बोनस मिलान गर्नुभएको ? भन्ने प्रश्नमा उनले भने, 'यहाँका कर्मचारीले गर्दा होइन, सरकारका कारण निगम घाटामा गएको हो । अरूले नै गरेको गल्तीको सजाय निगमका कर्मचारीले सधैं भोग्ने त ?' राजनीतिक दबाबका कारण सरकारले अन्तर्राष्ट्रिय बजार मूल्यअनुसार मूल्य समायोजन गर्न नदिँदा तथा त्यसका कारण सस्तोमा बेच्नुपर्दा हुने नोक्सानी धान्ने रकम पनि उपलब्ध नगराउँदा निगम घाटामा गएको हो ।
अख्तियार दुरुपयोग अनुसन्धान आयोगले २०६५ मा नाफा गरे पनि निगम सञ्चित घाटामा रहेको भन्दै बोनस वितरण नगर्न निर्देशन दिएको थियो । उक्त निर्देशन यथावत् छ । अग्रवालले 'कानुनबमोजिम बोनसका लागि छुट्याएको रकम अन्त खर्च गर्न नमिल्ने' बताए । 'जहिले भए पनि दिनैपर्ने रकम हो,' उनले भने । बोनस वितरण निगम सञ्चालक समितिको निर्णयबाट भएको होइन । 'केही महिनाअघि आयल निगमबाट प्रस्ताव आएको थियो,' निगम सञ्चालक समितिका सदस्य दीपक सुवेदीले भने, 'घाटा रहेसम्म बोनस खानु हुन्न भनेर फर्काएका थियौं ।'
निगमका एक उच्च अधिकारीले कर्मचारी संगठनहरूको चर्को दबाब झेल्न नसकेर अग्रवाल बोनस बाँड्न बाध्य भएको बताए । 'निमित्त कार्यकारी निर्देशकलाई विभिन्न कर्मचारी संगठनमा आबद्ध कर्मचारीले २०६५ सालको बोनस नदिए कार्यालय प्रवेश गर्न नदिनेसम्मको धम्की दिए,' ती अधिकारीले भने, 'उहाँ एक्लिने अवस्था आएपछि बोनस दिने निर्णय गर्न बाध्य बन्नुभयो ।'
बोनस ऐनले आर्थिक वर्ष समाप्त भएको ८ महिनाभित्र बोनस वितरण गरिसक्नुपर्ने व्यवस्था गरेको छ । उक्त अवधिमा बोनस वितरण गर्न नसके श्रम कार्यालयले बढीमा ३ महिना अवधि थप्न सक्ने वा अर्को आर्थिक वर्ष एक पटक दुई वर्षको बोनस लिन सक्ने व्यवस्था गरेको छ । निर्णय भएको ५ वर्षपछि बोनस वितरण गर्ने सम्बन्धमा उक्त ऐन र नियमावलीमा कुनै व्यवस्था छैन ।

काठमाडौ, आश्विन ८ - इन्जिनको समयावधि सकिन लागेर नियमित उडान बन्द गरी दसैंका लागि भनी जोगाएको वायुसेवा निगमको एक मात्र टि्वनअटर विमानलाई पर्यटनमन्त्री रामकुमार श्रेष्ठले विभिन्न कार्यक्रममा लगेर १० घन्टा खर्च गरिदिएका छन् ।
असोज १ गते मनाङको हुम्डे विमानस्थल स्तरोन्नतिको निरिक्षणका लागि भन्दै चार्टरमा मन्त्री श्रेष्ठ झन्डै एक दर्जनलाई निगमको टि्वनअटरबाट लिएर गएका थिए । त्यस्तै अन्य कार्यक्रम गरी उनले ५ घन्टा बढी खर्च गरिदिएका हुन् ।
निगमका अनुसार भदौ २४ मा टि्वनअटरको इन्जिन आवर ४८ घन्टा मात्र बाँकी थियो । त्यसयता केही उडान भरेको निगमले दसैंमा सर्वसाधारणलाई सेवा दिन बीचका नियमित उडान रद्द गरी राखेको थियो । तर मन्त्रीले उडाइदिएपछि अब निगमको ३५ घन्टा मात्र बाँकी छ ।  'चार्टर नै गर्नुपरे अन्य विमान कम्पनी पनि थिए,' स्रोतले भन्यो 'आवर कम भएको भनेर नउडाइएको टि्वनअटर मन्त्रीका लागि चार्टर गर्न थालेपछि सर्वसाधारणले कसरी सेवा पाउँछन् ?'
पर्यटन मन्त्रालयले नै दसैंमा दुर्गम क्षेत्रमा सहुलियत उडान सेवा दिन विमान कम्पनीलाई आग्रह गरेको थियो । तर मन्त्रीले नै निगमको समस्या नबुझिदिएकामा कर्मचारी खिन्न छन् । 'मन्त्री जाने भएपछि उडान गर्ने समयमा पनि यात्रु झारेर त सुविधा दिइन्छ,' निगमका एक कर्मचारीले भने, 'त्यसमाथि उडान घन्टा बचत भएको भए उडाउन केही समस्या थिएन ।' चार्टर भाडा पनि नतिरिएको स्रोतले जानकारी दियो ।
निगमका वित्तीय विभाग प्रमुख केशव शर्माले आफ्नो मन्त्रालयका मन्त्री/सचिवलाई सेवा दिनु निगमको दायित्व भएको बताए । निगमको जहाजलाई पर्यटनमन्त्रीले पहिलेदेखि नै भाडाबिना निर्वाध प्रयोग गरिरहेकामा अहिलेका मन्त्रीले पनि यो प्रवृत्तिलाई निरन्तरता दिएको गुनासो निगम कर्मचारीको छ ।
मन्त्री प्राधिकरण सञ्चालक समितिका अध्यक्षसमेत भएकाले स्तरोन्नतिको निरीक्षणका लागि जान जरुरी भएको दाबी मन्त्रालयका प्रवक्ता मोहन कृष्ण सापकोटाले बताए । 'प्राधिकरणको आफ्नै जहाज भएको भए समस्या हुँदैनथ्यो,' उनले भने, 'प्राधिकरणको कामका लागि गएकाले मन्त्रालयले बिल भुक्तान गर्दैन ।' काठमाडौंबाट मनाङसम्मको चार्टरबापतको भाडा ३ हजार ५ सय डलरभन्दा बढी पर्छ ।
निगम प्रवक्ता गणेशबहादुर चन्दका अनुसार अहिलेसम्म मन्त्रालय वा प्राधिकरणमध्ये कुनले रकम तिर्ने हो, थाहा छैन । टि्वनअटरको इन्जिन ल्याएर जहाज थप गर्ने योजना बनाए पनि समयमा नआउने भएपछि दसैंका बेला आन्तरिकतर्फ निगमले ३५ घन्टा मात्र उडान गर्न सक्ने अवस्था छ । 'त्यसमा पनि मन्त्री तथा सचिवका लागि चार्टर गर्न थालेपछि सर्वसाधारणले निगमबाट सहज सेवाको अपेक्षा नगरे पनि भयो,' निगमका एक अर्का कर्मचारीले भने । भारतीय तथा अमेरिकी कम्पनीसँग गरी निगमले ६ वटा इन्जिन ल्याएर दसैंका बेला चलिरहेको जहाजसँगै तीन जहाज उडान गर्ने लक्ष्य लिएको थियो । पछिल्लो पटक गत जेठ २ गते जोमसोममा टि्वनअटर दुर्घटना भएपछि आन्तरिकमा एउटै जहाज बाँकी छ । अन्य तीन जहाजमध्ये दुई इन्जिन नभएकाले ग्राउन्डेड छ भने एउटामा इन्जिनसहित अन्य प्राविधिक समस्या रहेको निगम इन्जिनियरिङ विभागले जनाएको छ ।

जाजरकोट, आश्विन ८ - यहाँका बिरामीको उपचारका लागि निःशुल्क वितरण हुने अत्यावश्यक औषधिको म्याद बाटामै सकिएको छ । साल्बोटामोल ५० हजार ट्याबलेट, २० हजार अल्बेन्डाजोल, ३ पेटी सिरफ सिटामोल, ७ सय आरएल स्लाइन, २ पेटी स्क्याबिज लोसन, ३ पेटी जीवनजल लगायत २७ कार्टुन अतिआवश्यक औषधिको म्याद बाटामै गुजि्रएको हो ।
सम्बद्ध निकायको लापरबाहीले १८ लाख बराबर मूल्यका ती औषधि सुर्खेतको राकम बजारको एउटा होटलमा थन्काएर राखिँदा म्याद सकिएको छ । सरकारद्वारा निःशुल्क वितरणका लागि पथलैया, बाराबाट पठाइएका औषधि त्यहाँ थन्काएर राखिएका थिए । जिल्लामा आपूर्ति हुने औषधि समयमै ढुवानी नभई बाटोमै म्याद नाघ्दा यहाँका बासिन्दा निःशुल्क औषधि पाउनबाट वञ्चित भएका छन् । दम, झाडापखाला, लुतो, भाइरल ज्वरोलगायत रोगका लागि अति आवश्यक औषधि १५ महिनाअघिदेखि छिन्चु-जाजरकोट सडकअन्र्तगत पर्ने राकम बजारमा अलपत्र परेका थिए । एक हजार भाडा दिने सर्तमा उक्त औषधि राखे पनि त्यसपछि लिन कोही नआएको होटल राकमकी सञ्चालक पुष्पा बुढाले बताइन् । जाजरकोट अस्पतालसम्म औषधि ढुवानीको जिम्मा लिएर ट्याक्टरवाला दिपक कठायतले राखेको उनले बताएकी छन् ।
 औषधि कसले कहाँबाट ल्याएर राखेको हो आफूलाई कुनै जानकारी नभएको जिल्ला स्वास्थ्य प्रमुख धीरजंग शाहले बताए । औषधि जाजरकोट अस्पतालको नभई डोल्पाको हुन सक्ने उनले आशंका व्यक्त गरे । 'औषधि जाजरकोटका लागि हैन ।
बरु अन्यत्रको हुन सक्छ,' स्टोरकिपर विद्या जैसीको दाबी छ । औषधि आपूर्तिमा अनियमितता गर्दा बर्सेनि जिल्लाका स्वास्थ्य संस्थामा औषधि अभाव हुने गरेको पैंक ५ का वीरबहादुर रोकायले बताए । अहिले जाजरकोटका ग्रामीण क्षेत्रका स्वास्थ्य संस्थामा औषधि अभाव भएको छ । उनीहरू गाउँका मेडिकलको महँगो औषधि किन्न बाध्य छन् । 'सिटामोलसमेत किन्न पर्ने अवस्था छ', उनले भने ।
त्यस्तै, बिरामीको उपचारका लागि डोल्पा लैजाने औषधि पनि ४ महिनादेखि जाजरकोटमै थन्किएको छ । ढुवानी ठेकेदारको लापरबाहीले दुई ट्याक्टर औषधि जाजरकोट अस्पतालको एउटा कोठामा थन्किएको हो ।

काठमाडौं - अनामनगरमा आइतबार दिउँसो युवाहरुको एक समूहले नेपाल टेलिकमको गाडीमा आगजनी गरेका छन् । मोटरसाइकलमा आएका ३/४ जनाको समूहले बा १ ञ ९३६ नम्बरको गाडीमा गोडफोड गर्नुका साथै पेट्रोल छर्किएर आगजनी गरेको छ । गाडीमा चालक सरद श्रेष्ठ र वरिष्ठ इन्जिनियर नारायण काफ्ले थिए ।

युवाहरुको समूहले तोडफोड गर्न थालेपछि श्रेष्ठ र काफ्लेले भागेर ज्यान जोगाएका छन् । त्यसक्रममा चालक श्रेष्ठको हातमा पोलेको छ । आगजनीबाट गाडीको अगाडीको भागमा क्षति पुगेको छ । आगजनी गर्ने युवाहरुको खोजी भइरहेको अनामनगर प्रहरीले जनाएको छ ।

मलेसियामा ,क्वालालम्पुर - अबैध बिदेशी कामदारमाथि धरपकड गरिरहेको मलेसियाले एकैपटक १५ जना नेपाली सुरक्षागार्ड पक्राउ गरेको छ ।गैरकानुनीरुपमा सेक्युरिटी गार्डको रुपमा काम गरेको भेटिएपछि उनीहरुलाई गत बिहीवार मलाक्का सहरस्थित कार्यस्थलबाटै पक्राउ गरिएको मलेसियाको दैनिक पत्रिका न्यू स्ट्रेट टाइम्सले जनाएको छ ।

ड्युटी परिवर्तन गर्ने बेलामा उनीहरुको ड्रेस चेन्ज गर्ने स्थानमा छापा मारेर पक्राउ गरिएको सो राज्यका इमिग्रेसन बिभाग प्रमुख अबु बकर हसनले जानकारी दिनुभयो ।मलेसियामा सेक्युरिटी गार्ड सेवामा बहुसंख्यक नेपालीले काम गर्दै आएका छन् । प्लान्टेसन लगायत अन्य भिषामा मलेसिया पुर्‍याइ दलालले सेक्युरिटी गार्डमा काम लगाइदिने गरेका कारण उनीहरु अबैधानिक हुन पुग्छन् ।

पछिल्लो पटक सुरु गरिएको तीन महिने धरपकड अभियानको तेस्रो हप्ताभित्रै हजारौं बिदेशी कामदार पक्राउ परिसकेका छन् । ‘अबैधानिक बिदेशी कामदारलाई बढार्ने’भन्दै मलेसियाले धरपकड अभियान सुरु गरेको हो । अघिल्लो बर्ष दिइएको आममाफी कार्यक्रममा रजिष्टर भए पनि स्वदेश फर्किने वा त्यही बसेर बैधानिक अबसरमा सहभागी नभइ सम्पर्कबिहीन भएका कामदारलाई लक्षित गरि यो धरपकड सुरु गरिएको हो । त्यसरी दर्ता भएर सम्र्पकमा नआउने करिव १० हजार नेपाली रहेको दूतावास स्रोतले जानकारी दियो ।

पहिलो संविधानसभाको निर्वाचनपछि प्रधानमन्त्री भएका प्रचण्डले गत संविधानसभामा काठमाडौं १० र रोल्पा २ बाट चुनाव जितेका थिए । प्रचण्डले रोल्पा २ मा ३४ हजार दुई सय २० मत र काठमाडौं १० बाट २३ हजार दुई सय ७७ मत ल्याएका थिए । प्रचण्डपछि प्रधानमन्त्री बनेका माधवकुमार नेपाललाई एमालेले यसपटक काठमाडौं २ र रौतहट १ बाट चुनाव लडाउने गरी सिफारिस गरेको छ । अघिल्लो संविधानसभामा उनले काठमाडौं २ र रौतहट ६ मा चुनाव हारेका थिए ।

काठमाडौं २ मा उनलाई माओवादीका झक्कु सुवेदी र रौतहटमा माओवादीकै देवेन्द्र पटेलले हराएका थिए । काठमाडौं २ बाट उनी चुनाव लड्ने निश्चित भइसकेको समाचार नेत्र पन्थीको बाइलाईनमा आजको नयाँ पत्रिका दैनिकले छापेको छ ।

काठमाडौं २ मा सुवेदीको १३ हजार आठ सय ५८ मत र नेपालको १२ हजार तीन सय २५ मत आएको थियो । रौतहट ६ मा पटेलले १० हजार एक सय ३१ र नेपालले आठ हजार नौ सय ८६ मत पाएका थिए । उनी अहिले सिफारिस भएको रौतहट १ मा गत संविधानसभामा बबन सिंहले चुनाव जितेका थिए । उनले नौ हजार दुई सय एक मत ल्याएका थिए । एमाले भने चौथो स्थानमा थियो । एमालेका रेवन्त झाले चार हजार पाँच सय २९ मत पाएका थिए ।

यसैगरी, एमाले अध्यक्षसमेत रहेका पूर्वप्रधानमन्त्री झलनाथ खनाल इलाम १ बाट चुनाव लड्दै छन् । खनाल विघटित संविधानसभाको तेस्रो प्रधानमन्त्री थिए । अघिल्लो संविधानसभामा उनले १७ हजार ६ सय ५७ मत ल्याएका थिए । उनका निकटतम प्रतिद्वन्द्वी कांग्रेस नेता बेनुपराज प्रसाईंले १३ हजार सात सय ४४ मत पाएका थिए । खनाललाई एमालेले काठमाडौं ९ बाट समेत सिफारिस गरेको छ । गत संविधानसभामा कांग्रेसका ध्यानगोविन्द रञ्जितले १२ हजार पाँच सय एक मत ल्याएर जितेका थिए । एमालेका कृष्णगोपाल श्रेष्ठले १२ हजार एक सय ९४ मत ल्याएर तेस्रो स्थानमा थिए ।

पहिलो संविधानसभाका चौथो प्रधानमन्त्री डा. बाबुराम भट्टराई विगतको गोरखा २ छाडेर नयाँ ठाउँबाट चुनाव लड्दै छन् । उनले गत संविधानसभामा गोरखा २ बाट ४६ हजार दुई सय ७२ मत ल्याएर चुनाव जितेका थिए । डा. भट्टराईलाई माओवादीले अहिले गोरखा १ र रूपन्देही ४ बाट चुनाव लडाउने भएको छ । गत संविधानसभामा गोरखा १ मा माओवादीकै पार्वती थापा र रूपन्देही ४ मा एमाले नेता विष्णु पौडेलले चुनाव जितेका थिए । गोरखा १ मा थापाले ४० हजार ६ सय ६ मत ल्याएकी थिइन् । रूपन्देही ४ मा पौडेलले १५ हजार आठ सय ८० मत प्राप्त गरेका थिए । दोस्रोमा माओवादीका भक्तिप्रसाद पाण्डेले १३ हजार चार सय २१ मत ल्याएका थिए ।

गत संविधानसभा निर्वाचनमा डडेलधुराबाट २० हजार पाँच सय २९ मत ल्याएर जितेका पूर्वप्रधानमन्त्री शेरबहादुर देउवा यसपटक पनि त्यही क्षेत्रमा चुनाव लड्दै छन् । त्यहाँबाहेक देउवा अहिले कैलाली ६ बाट पनि चुनाव लड्दै छन् । सो क्षेत्रमा गत संविधानसभा चुनावमा माओवादी उम्मेदवार लीलाकुमारी भण्डारीले १४ हजार आठ सय २६ मत ल्याएर चुनाव जितेकी थिइन् । कांग्रेसका उम्मेदवार टेकबहादुर चोखाल ११ हजार दुई सय ८४ मत ल्याएर पराजित भएका थिए ।

अघिल्लोपटक देउवा कञ्चनपुर ४ बाट १२ हजार आठ सय २४ मत पाएर विजय बनेका थिए । माओवादी उम्मेदवार हरिश ठकुल्लाले ११ हजार सात सय ९५ मत पाएका थिए । त्यहाँ भएको उपचुनावमा भने ठकुल्ला नै विजय भएका थिए ।

अघिल्लो संविधानसभा निर्वाचनमा धनुकटा २ बाट चुनाव हारेका पूर्वप्रधानमन्त्री सूर्यबहादुर थापाले यसपटक त्यस क्षेत्रमा छोरा सुनिल थापालाई उठाउँदै छन् । सो क्षेत्रमा गत संविधानसभामा माओवादी नेता हरिराज लिम्बू १२ हजार दुई सय ९९ मत ल्याएर विजयी भएका थिए । थापा तेस्रो स्थानमा आएका थिए । थापा यसपटक समानुपातिकमा जाने तयारीमा छन् । पूर्वप्रधानमन्त्री लोकेन्द्रबहादुर चन्दलाई राष्ट्रिय प्रजातन्त्र पार्टीले प्रारम्भिक चरणमा सिफारिस गरेको छैन । उनी पनि समानुपातिकमा आउने सम्भावना छ ।

ब्राजिलमा एक चमत्कारी घटना घटेको छ । सुन्दा पनि पत्याउन गार्हो घटना साच्चै नै आश्चर्यजनक छ । ब्राजिलको उत्तरी क्षेत्रमा भएको घटनामा मरेको एक बालकको अन्तिम संस्कार भइरहँदा उक्त बालकले उठेर पानी मागेर पिए र फेरी त्यसरी नै सदाका लागी सुते जसरी उनलाई पहिले सुताइएको थियो



दुई वर्षको केल्भिन नामक बालक निमोनियाले गर्दा बिरामी परेको थियो । निमोनियाको उपचारका लागि अस्पताल लगिएका उक्त बालकको उपचारका क्रममा मृत्यु भएपछी उनको परिवारले उनलाइ घरमा ल्याए र अन्तिम संस्कारको काम सुरू गरे । यसैक्रममा उक्त बालक जुरूक्क उठे र आफ्नो पितासँग पानी मागे । पानी पिएपछी उक्त बालक सदाका लागि संसार छाडेर गए ।