भारतीय फोटोपत्रकार महिलामाथि सामुहिक बलात्कार
नयाँ दिल्ली- भारतको व्यापारिक सहर मुम्बईमा एक महिला फोटोपत्रकारलाई सामुहिक बलत्कार गरेको समाचार छ । एक पुरुष सहमर्कीसँग एउटा अलपत्र अवस्थामा छोडिएको कपडा कारखानाको फोटो खिच्नको लागि गएका ती महिला बलात्कारमा परेकी थिइन्सो कपडा कारखानाको भवनभित्र जानको लागि सहयोग गर्ने भन्दै पाँच व्यक्तिले ती पत्रकार महिला र उनको पुरुषसहकर्मीलाई भवनभित्र लिएर गएको जनाइएको छ । भवनभित्र पुगेपछि पुरुषमित्रलाई बाँधेर कुटपिट गरिएको र महिलालाई सामुहिक बलात्कार गरेको समाचारमा जनाइएको छ । हालसालै मात्र विवाहबन्धनमा बाँधिएकी ती फोटो पत्रकार महिला २२ वर्षकी भएको समाचारमा जनाइएको छ ।
प्रहरीका अनुसार अत्यन्त एकान्तमा रहेको सो स्थानमा स्थानीय लागू औषध अम्मलीहरूले सो बलात्कार गरेका हुन् । उक्त घटना स्थानीय समय अनुसार बिहीबार साँझ ६ बजे देखि ६:३० सम्ममा भएको समाचारमा उल्लेख छ ।
बलात्कृत ती महिलालाई अस्पताल भर्ना गरिएको र हाल ती महिलाको अवस्था स्थीर रहेको जनाइएको छ भारतमा गत डिसेम्बरमा पनि सामुहिक बलात्कारबाट एक युवतीले ज्यान गुमाएकी थिइन् ।
दिल्लीको स्थानीय एक मेडिकल कलेजमा अध्ययनरत २३ वर्षीया छात्रा एकजना आफ्नो साथीसँग नयाँ दिल्लीको एक सार्वजनिक बसमा यात्रा गरिरहँदा अकस्मात् बस चालकसहित सो बसमा रहेका अन्य ६ जना यात्रुद्वारा आक्रमण एवम् सामुहिक रुपमा बलात्कृत भएकी थिइन् । हिजो पुनः यसै घटनासँग मिल्ने फेरि अर्को घटना भएको छ ।
0 comments:
Post a Comment