दुइवटा टाउका भएको बालकको सफल शल्यक्रिया
एउटा टाउको माथि अर्को टाउको पलाएको एक ८ वषर्ीय बालकको सफल शल्यक्रिया गरिएको छ । भारतको पश्चिम त्रिपुरास्थित एक दुर्गम गाउँको उक्त दुइटाउके बालकको कलकत्तास्थित एपोलो अस्पतालमा शल्यक्रिया गरी माथि पलाएको एक टाउको फ्याँकिएको हो ।तोफाजल नामको उक्त बालकलाई निकै दुर्लभ मानिएको इन्सेफालोमेनिन्जोसेल नामक रोगका कारण गर्भमै थप टाउको पलाएको हो । यस्तो समस्या हरेक ५० हजार बालबालिकामध्ये एक जनामा देखिने गर्छ ।
डाक्टरहरुले त्यो अतिरिक्त टाउँको जैविक रुपमा परजिवी जुम्ल्याहा रहेको बताएका छन् । झण्डै एक किलो तौलको उक्त टाउकोभित्र मस्तिष्क कोषहरु पाइएका थिए ।
पाँच घण्टाको शल्यक्रिया मार्फत डाक्टर सिसिर दासले बालकको उक्त दोश्रो टाउको हटाएका हुन् ।
छोराको शल्यक्रिया गरेर एउटामात्र टाउको बनाइएपछि तोफाजलका बाउ निकै खुसी भएका छन् ।
जन्मिँदै छोराको दुइ वटा टाउका देखेपछि आफुलाई छोरो बाँच्ने आश मरेको र यसरी उपचार होला भनेर कहिल्यै नसोँचेको उनी बताउँछन् ।
शल्यक्रियापछि बालकले अहिले स्वास्थ्यलाभ गरिरहेको र उसको स्थिति सुधारोन्मुख रहेको बताइएको छ ।
0 comments:
Post a Comment