इलाम र पाँचथरका गरी २१ संस्था खारेज
डिभिजन सहकारी कार्यालय इलामले इलाम र पाँचथरका गरी २१ वटा सहकारी संस्थाको दर्ता खारेज गरेको छ । कार्यालयले गत आव २०६९/७० मा इलामका १४ वटा र पाँचथरका सातवटा गरी २१ वटा सहकारी संस्थाको दर्ता खारेज गरेको हो ।कार्यालयमा दर्ता भई विगत दुई वर्षदेखि निष्क्रिय रही सहकारी ऐन २०४८ को दफा ३४ अनुसारको विवरण पेस नगरेकाले सहकारी खारेज गरिएको डिभिजन अधिकृत माधवप्रसाद पोखरेलले बताउनुभयो ।
खारेजीमा परेका सहकारी संस्थामा इलामका दुईवटा दुग्ध उत्पादक सहकारी संस्था, पाँचवटा कृषि सहकारी, एक÷एकवटा बचत तथा ऋण, विद्युत् र ताजा तरकारी सहकारी संस्था, चारवटा चिया सहकारी गरी १४ वटा संस्था छन् भने पाँचथरका तीनवटा कृषि सहकारी, एक÷एकवटा बचत तथा ऋण, बहुउद्देश्यी, महिला विकास सहकारी र विद्युत् सहकारी संस्था रहेका छन् ।
अघिल्लो वर्ष कार्यालयले २३ वटा विभिन्न सहकारी संस्थालाई खारेज गरेको थियो । सहकारी संस्था स्थापना गर्ने रहरसँगै दर्ता खारेजको सङ्ख्या पनि बर्सेनि बढ्दै गएको छ । डिभिजन सहकारी कार्यालयको क्षेत्राधिकारभित्र हालसम्म ८४७ वटा सहकारी सङ्घसंस्था स्थापित भई सञ्चालनमा छन् ।
0 comments:
Post a Comment