अडी कप फुटबलको उपाधि वार्यन म्युनिखलाई

 १८ साउन, काठमाडौं । म्यानचेष्टर सिटीलाई पराजित गर्दै वार्यन म्युनिखले अडी कप फुटबलको उपाधि जितेको छ । बिहीबारराति भएको फाइनलमा च्याम्पियन्स लिग विजेता जर्मन साइड वार्यनले इंग्लिस क्लब म्यानचेष्टर सिटीलाई २–१ गोल अन्तरले पराजित ग¥यो ।

अघिल्लो सातामात्र घरेलु प्रतिद्वन्द्वी बोरुसिया डर्टमुण्डलाई जर्मन कपको उपाधि सुम्पिएको वार्यनका प्रशिक्षक पेप ग्वार्डिआलोको यो पहिलो उपाधि हो ।

वार्यनको घरेलु मैदानमा भएको खेलमा सिटीले ६१ औं मिनेटमा अल्भारो नेग्रिन्डोको गोलबाट अग्रता लिएको थियो । तर, ६५ औं मिनेटमा थोमस मुलरले पेनाल्टीमार्फत बराबरी गोल फर्काए । ७२ औं मिनेटमा मारियो मान्जुकीले गोल गरेपछि वार्यन म्युनिख २–१ को गोल अन्तरले विजयी भयो ।