अधिकारी हत्याका आरोपिद्धारा आफ्नो संलग्नता अस्वीकार
नन्दप्रसाद र गंगामाया अधिकारीले न्याय माग्न थालेको एक दशक हुन लाग्यो । आँखामा आँसुहरू रित्तिए । बोल्ने शब्दहरू हराइसके, तर पनि छोराका हत्यारामाथि कारबाही हुन सकेको छैन ।गोरखा फुजेल गाविस चमती गाउँमा रहेको अधिकारी परिवार गाउँकै नमुना परिवार थियो । खान, लाउन र मुख जोर्न कुनै समस्या थिएन । आज समयले अधिकारी परिवारलाई यसरी लुटेको छ ।
वि.स २०६१ साल जेठ २४ गते कान्छो छोरा कृष्णप्रसाद अधिकारीलाई माओवादी कार्यकताले हत्या गरेको खबर सुनेदेखि अधिकारी परिवारमा खुसी हराएको छ । घर, परिवार, नाता, साथीभाइ, छरछिमेक सबै टाढा र परका कुरा भएका छन् उता स्थलगत निरीक्षण गरेर मात्र समाचार सम्प्रेषण गरिदिन गोरखा जिल्ला फुजेल गाविसका आठजनाले सञ्चारकर्मीलाई पत्रकारसम्मेलनमार्फत अनुरोध गर्दै उक्त घटनामा आफूहरूको संलग्नता नभएको जिकीर गरेका छन् ।
स्थानीय कृष्णप्रसाद अधिकारीको हत्याको विषयलाई लिएर समाचार विषयको गहिराईमा नपुगी समाचार सम्प्रेषण नगर्न उनीहरूले साउन १९ गते आयोजना गरेको पत्रकार सम्मेलनमा अनुरोध गरेका हुन् । द्वन्द्वको समयमा चितवनको रत्ननगर नगरपालिका बकुल्लर चोकमा कृष्णप्रसाद अधिकारीको हत्या भएको थियो । आजभन्दा नौ वर्षपहिले घटेको उक्त घटनाको विषयलाई लिएर स्वर्गीय अधिकारीका पिता नन्दप्रसाद अधिकारी र माता गङ्गा अधिकारीले गत वर्ष माघ २२ गतेदेखि विभिन्न स्थानमा अनसन बस्दै आएका छन् ।
२०६१ जेठ २४ गते हत्या भएका अधिकारीको हत्याराको आजसम्म पत्ता नलागेपछि सरकारलाई हत्यारा पत्ता लगाइदिन माग गर्दै अधिकारी दम्पत्ति अनसन बस्दै आएका हुन् । आमसञ्चार माध्यमले अधिकारी दम्पत्तिको हवला दिँदै जानुका पौडेल, पशुराम पौडेल, भीमसेन पौडेल, छविलाल पौडेल, कालीप्रसाद अधिकारी, रामचन्द्र अधिकारीको नाम प्रकाशित गरेपछि उनीहरूले पत्रकार सम्मेलन गरी आफूहरू हत्यारा नभएको धारणा व्यक्त गरेका हुन् ।
0 comments:
Post a Comment